काठमाण्डौं । बैदेशिक रोजगारीमा जाने श्रमिकका लागि सरकारले कर्जाको व्यवस्था गर्ने भएको छ । श्रम, रोजगार तथा सामाजिक सुरक्षा मन्त्रालयले श्रमिकले चर्को ब्याजमा कर्जा लिएर रोजगारीमा जानु पर्ने बाध्यता अन्त्य गर्दै कर्जाको व्यवस्था गर्न लागेको मन्त्रालयका प्रवक्ता डुण्डुराज घिमिरले बताए ।
घिमिरेका अनुसार मन्त्रालयले कर्जाको लागि सामाजिक सुरक्षा कोष र बैक तथा वितिय संस्थाहरुसँग छलफल गरि रहेको छ । मन्त्रालयले कोषमा जम्मा भएको बचतलाई नै बैदेशिक रोजगारी कर्जाको लागि प्रयोग गर्ने वा बैकहरुले दिदै आएको सहुलियतपूर्ण कर्जा अन्र्तगत वैदेशिक रोजगारी कर्जालाई पनि समेट्ने भन्ने बिषयमा छलफल भएको उनले बताए ।
बैदेशिक रोजगारी कर्जाले श्रमिकलाई आर्थिक भारबाट जोगाउनुका साथै बैदेशिक रोजगारी क्षेत्रको कारोबारलाई पनि पारदर्शी बनाउने मन्त्रालयको दाबी छ । श्रमिक बैदेशिक रोजगारीमा जाने प्रक्रिया पुरा भएपछि मात्रै कर्जाको व्यवस्था गरिने मन्त्रालयको तयारी छ । साथै बैकबाट सिधै म्यानपावर व्यवसायीको बैक खातामा नै रकम राखिनेछ ।
