उमाकान्त पाण्डे । चैत १, युएई – कुवेतमा भएको एउटै सडक दुर्घटनामा परी तीन जना नेपालीको मृत्यु भएको छ । मंगलवार बिहान कुवेतको महाबुल्ला क्षेत्रको सी-साइड सडकमा भएको सडक दुर्घटनामा परी एकै कम्पनीमा कार्यरत तीन जना नेपालीको दुर्घटना स्थलमै ज्यान गएको हो ।
कुवेतको महाबुल्ला क्षेत्रमा मंगलवार विहान सडक छेउमा रहेका तीन नेपालीलाई हुकिएर आएको कारले ठक्कर दिदा ३ जनाको घटनास्थलमै ज्यान गएको त्यहा रहेको नेपाली दुतावासले पुष्टी गरेको छ ।
दुर्घटनामा परी ज्यान गुमाउने तीनै जनाको पहिचान खुलेको छ । ज्यान गुमाउनेमा लयती पन्चदेवल विनायक -५ आछामका सुरत बहादुर कठायत, सानो भर्याङ्ग, नागार्जून -२ काठमाण्डौंका सुजन कार्की र वेंगादवार -३ धनुषाका धिरज गुर्मछान मगर छन । मृतकहरु कुवेतको एउटै कम्पनीमा कार्यरत सहकर्मीहरु हुन । उनीहरु त्यहां रहेको पापाजोन कम्पनिमा कार्यरत रहेको नेपाल पत्रकार महासंघ कुवेत शाखाका अध्यक्ष राज मल्लले जानकारी दिए ।
कुवेतकै हवालिमा बस्दै आएका सुजन र धिरज सोमवार राति रमादान सुरुभएको पुर्वसन्ध्यामा महाबुल्ला बस्ने साथि सुरतलाई भेट्न गएका थिए । उनीहरु दुबै जना बिहानै काममा जानका लागि निस्किएका थिए । कोठामा फर्किन लागेका साथीलाई बस चढाउन दुई साथीहरु सहित सुरत समेत बाहिर निस्किएका थिए ।
गाढी चढाउन भन्दै सोही समयमा सडकमा सुरत सहित तिनै जनालाई एक स्थानिय नागरिकले हुइकाएर चलाएको कारले ठक्कर दिदा तिनै जनाको घटना स्थलमै निधन भएको हो । गाडी चालकलाई प्रहरीले नियन्त्रणमा लिएको छ भने मृतकहरुको शवलाई पोष्टमार्टमका लागि फरवानिया अस्पतालमा राखिएको स्थानीय प्रशाशनले जनाएको छ ।
नेपाली दुतावास कुवेतका प्रथम सचिव तथा सुचना अधिकारी प्रेमराज गौतमले टेलिफोनमा घटनाको पुष्टी गर्दै दुर्घटनाको जानकारी पाए लग्गत्तै दुतावासले आवश्यक प्रकृया अगाडी बढाई परिवार तथा कम्पनी सँग नीयमित सम्पर्कमा रहेको र मृतकका शवहरु नेपाल पठाउने तथा विमा बापतका लागि पहल गरिरहेको बताए ।
2 Comments
Pingback: कुवेतमा ३ नेपालीको ज्यान गएको घटना बारे श्रममन्त्री अर्यालको चासो - Halkhabar Online
hGklmUBP