आबुधावी – लमजुङ फुटबल क्लब युएईले प्रथम ‘तीज कप २०२३’ को उपाधी जितेको छ । नखिल गोर्खा क्लबलाई पेनाल्टी शुट आउट माध्यमबाट दुई-एकले पराजित गर्दै लमजुङ क्लबले उपाधि चुमेको हो ।
लमजुङका गोल किपरले नखिलका दुई पेनाल्टी प्रहारलाई उत्कृष्ट तरिकाले रोकेपछी नखिल क्लब दुबइ पराजित भएको हो ।
नखिल फुटबल क्लब नेपालका ‘ए’ डिभिजनका केही खेलाडी सहित मैदानमा उत्रिएको थियो । निरकुमार , रोशन खड्का , विवेक बस्नेत तथा सुनिल राइ सहित ‘ए’ डिभिजनका खेलाडीहरु नखिल क्लब मार्फत खेलेका थिए । उपाधी चुमेको लमजुङ क्लबले भने स्थानीय खेलाडीको सहभागीतामा मैदान उत्रिएको थियो ।
शेख जायद स्टेडियम आबुधावीमा भएको खेलमा उपाधि चुमेको लमजुङ फूटबल क्लबले ३५ सय धिराम्स र उपविजेताले २ हजार धिराम नगद सहित कप , मेडल र प्रमाणपत्र प्राप्त गरेका छन ।
रोयल फुटबल क्लब आबुधावीले पहिलो पटक आयोजना गरेको प्रतियोगितामा १ हजार दर्ता शुल्क सहित जम्मा १० टिमले सहभागीता जनाएको युएई नेप्लिज फुटबल एसोसीएसनका प्रतियोगिता सम्योजक राहुल श्रेष्ठले जानकारी दिनुभयो ।