चलचित्र विकास बोर्ड द्वारा युएईमा कार्यरत दुई जना सम्मानित भएका छन । प्रवासमा रहेर नेपाली चलचित्रको प्रवर्धन गर्दै चलचित्रको क्षेत्रमा विशेष योगदान गरे बापत उनीहरु सम्मानित भएका हुन ।
चलचित्र बिकास बोर्डले मंगलबार राष्ट्रपती निवासमा एक कार्यक्रम गरी रास्ट्रपती रामचन्द्र पौडेलको उपस्थितिमा सुचना तथा संचारमन्त्री रेखा शर्माको हातबाट सम्मान गरेको छ । सम्मानित हुनेमा युएईमा बसेर मध्यपुर्वका देशहरुमा नेपाली चलचित्र वितरण गर्दै आएका रमेश ढकाल र एनआरएन युएईका नीवर्तमान अध्यक्ष ठाकुरप्रसाद ढुङ्गाना हुन ।
ढकाल युएईमा नेपाली चलचित्र वितरण सगैं बिभिन्न व्यवसाय गर्दै रोजगारी समेत गर्दै आएका छन । त्यस्तै ढुङ्गाना बिभिन्न व्यापार व्यवसायमा संलग्न छन । ढुङ्गाना एनआरएन युएईको अध्यक्ष हुँदा दुबईमा नेपाली चलचित्र महोत्सवको आयोजना गरेका थिए । उनी एनआरएन आइसीसीको कोषाध्यक्ष पदमा उम्मेदवारी दिने घोषणा गरेका छन ।
बोर्डले गएको साता एक सूचना जारी गर्दै छनौटमा परेका ३७ जनाको नामावली प्रकाशन गरेको थियो । विकास बोर्डले दिएको सम्मान ग्रहणका लागी ढकाल र ढुङ्गाना नेपाल गएका छन । सम्मानबाट दुई जनालाई चलचित्र दीर्घ साधना सम्मान र बाँकी ३५ जनालाई विभिन्न योगदान सम्मान द्वारा सम्मान गरिएको हो ।
