यूएईमा प्रथम जीसीडी फुटबल कप २०२५ को आयोजना हुने भएको छ ।
यहाँ रहेका नेपालीद्वारा स्थापित “जी .सी .डी रोयल गोर्खा “एफसीको आयोजनामा प्रतियोगीता हुन लागेको हो । दुवईस्थित डलस्को स्पोट्स कम्पेक्समा फेब्रअरी २२ मा हुने प्रतियोगिताका लागि फेब्रुअरी १० तारीखसम्म टिमदर्ता खुला गरिएको रोयल गोर्खा फुटबल क्लवका अध्यक्ष नवराज रानाभाटले जानकारी दिए ।
टिमदर्ताका लागि शुल्क १हजार १ सय ९९ दिह्राम अर्थात (करिब ४४ हजार ८ सय रुपैयाँ) निर्धारण गरिएको छ ।
प्रतियोगिताको विजेता टिमले ८ हजार १ दिह्राम ( करिब ३ लाख रुपैँया ) नगद सहित मेडल र प्रमाणपत्र पाउने छ । यस्तै उपविजेता टिमले ४ हजार १ दिह्राम (१ लख ५० हजार रुपैँया सहित मेडल र प्रमाणपत्र पाउने छ ।
युएईमा हुनेगरेका खेलहरुमा यो सबैभन्दा धेरै धनराशी पुरस्कारको भएको आयोजकको दावी छ । यस्तै विभिन्न विद्यातर्फ पनि उचित पुरस्कारको व्यवस्था गरिएको जीडिसी ग्रुपका प्रवन्ध निर्देशक रमेश श्रेष्ठले बताए ।
