काठमाडौं । परराष्ट्र सेवाका ५ जना उपसचिव सहसचिवमा बढुवाका लागि सिफारिस भएका छन् । जेष्ठता र कार्यसम्पादन मूल्यांकनको आधारमा नेपाल परराष्ट्र सेवाका बढुवाका लागि उम्मेदवारी दिएका १० जनामा ५ जना उपसचिव सहसचिवमा बढुवाका लागि सिफारिस भएका हुन् ।
जसमा पहिलो नम्बरमा उपसचिव पुष्पराज भट्टराई, दोस्रो नम्बरमा मणिरन्त शर्मा, तेस्रो नम्बरमा लोकबहादुर पौडेल, चौथो नम्बरमा किरण शाक्य र पाँचौ नम्बरमा दुरपदा सापकोटा सहसचिवमा बढुवाका लागि सिफारिस भएका हुन् ।
सहसचिव बढुवाका लागि उपसचिव दधिराम भण्डारी, हरिप्रसाद ओडारी, प्रकाश अधिकारी, डमरुबल्लभ पौडेल र पारस पण्डित पनि प्रतिस्पर्धामा थिए । बढुवामा चित्त नबुझेकाले आगामी ३५ दिनभित्र उजुरी दिन सक्ने र त्यसपछि बढुवा समितिको सिफारिस अनुसार सरकारले सहसचिवमा बढुवा गर्नेछ ।
Facebook Comments Box
