युएईमा विभिन्न संस्थाबीच मैत्रीपुर्ण फुटबल प्रतियोगिताको आयोजना गरिएको छ । नेपाली समाज युएईको आयोजनामा हुन लागेको प्रतियोगितामा ६ वटा टीमले सहभागिता जनाउदैछन् । पहिलो पटक नेपाली दुतावास आबुधाबीको टीमले समेत प्रतियोगितामा सहभागिता जनाउदैछ ।
प्रतियोगितामा नेपाली दुतावास आबुधाबी, नेपाल पत्रकार महांसघ युएई, नेपाली समाज युएई, नेपाली समाजमा अबद्ध संघसस्था , गैर आवासीय नेपाली संघ र युएई नेप्लिज फुटबल एसोसिएसनको टिमले सहभागिता जनाउने आयोजक नेपाली समाज युएई खेलकुद विभागका संयोजक जितेन्द्र कार्कीले जानकारी दिए ।
समाजको वार्षिक कार्यतालिका अन्तरगत “स्वास्थ्यका लागि खेलकुद” भन्ने उद्देश्यका साथ संस्थागत भातृत्वको विकास गराउने उद्देश्यले खेलको आयोजना गरिएको नेपाली समाज युएईका अध्यक्ष वेदप्रसाद अर्यालले हालखबर अनलाइनलाई बताए।
खेल दुवईस्थित अल सलाम स्कुलको अल किसेस मैदानमा शनिबार राती ९ बजेबाट सुरु हुनेछ । खेलको बिजेता टिमले मेडल सहित ट्रफी पाउनेछन् ।
