आबुधावी – युएईको अजमानमा भएको पहिलो एभरेस्ट मम: सेभेन एसाइड कप फूटबल प्रतियोगिताको उपाधी नवबुद्द फूटबल क्लबले चुमेको छ । उपाधी चुमेको नवबुद्दले नगद ३५ सय धिराम्स ( झन्डै १ आल्ह १० हजार ) रुपैया नगद, कप तथा मेडल प्राप्त गरेको छ ।
नवबुद्दले युएईको नेपाली समुदायमा चिरपरिचित लालिगुरास फूटबल क्लबलाई फाइनमा हराएर उपाधी चुमेको हो । सेमिफाइनलमा ग्रीन सिटी ईलामलाई हराउदै लालीगुरास फाइनलमा पुगेको थियो भने , रोयल फूटबल क्लब आईकार्डलाई हराउदै नवबुद्द फूटबल क्लब फाइनलमा पुगेको थियो ।
प्रतियोगितामा दोस्रो भएको लालिगुरास फूटबल क्लबले नगद २ हजार धिराम्स (झन्डै ६० हजार रुपैया) सहित कप मेडल प्राप्त गरेको छ । त्यस्तै सेमिफाइनलमा पुगेका दुई क्लब ग्रीन सिटी ईलाम र रोयल फूटबल क्लब आईकार्डले नगद ६ सय ५० धिराम्स ( २२ हजार रुपैया ) पाएका छन । त्यस्तै प्रतियोगिताको सबै खेलमा म्यान अफ द म्याच घोषणा गरी नगद समेत प्रदान गरिएको थियो ।
दसैं तिहारको अवसर पारेर अजमानमा रहेको नेपाली रेस्टुरेन्ट एभरेस्ट ममले पहिलो पटक आयोजना गरेको सो प्रतियोगितामा युएईमा रहेका १६ वटा फूटबल क्लबले सहभागीता जनाएका थिए । शनिबार मध्यराती ११ बजे बाट सुरु भएको प्रतियोगिताको उपाधी खेल बिहान ७ बजे सम्पन्न भएको हो ।
प्रतियोगिताको एक बिशेष कार्यक्रमका बीच युएईका लागी नेपाली राजदुत तेजबहादुर क्षेत्रीले उद्घाटन गर्नुभएको थियो । प्रतियोगिताको उद्घाटन गर्दै राजदुत क्षेत्रिले खेलकुदले नेपाली समुदायमा आपसी भाईचाराको सम्बन्ध बिकास हुने र एकता कायम गर्न मद्त पुग्ने भएकाले युएईका नेपाली बीच समय-समयमा प्रतोयोगिता आयोजना हुनु आबश्यक रहेको राजदुत क्षेत्रीले बताउनु भयो ।
कार्यक्रममा एनआरएन आइसीसी सचिव मनोज गोर्खाली, एनआरएन अभियान्ता ठाकुर प्रसाद ढुङ्गाना , एनआरएन युएईका अध्यक्ष बिकास शाही, युएई नेपालीज फूटबल एसोसीएसनका अध्यक्ष अनिल शेर्पा, लगायत बिभिन्न संघसस्थाका प्रतिनिधिको आतिथ्यता थियो । उद्घाटन खेल एनआरएन युएई र आयोजक बीच भएको थियो । मैत्रीपूर्ण प्रतिस्पर्धा गरिएको खेलमा एनआरएन युएई विजयी भएको थियो ।
प्रतियोगिताको बिभिन्न उपाधी विजेता क्लबलाई आयोजक एभरेष्ट म:म रेष्टुरेन्टका संचालक बिष्णु अधिकारीले नगद सहित कप मेडल प्रदान गरेको कार्यक्रम सम्योजक राहुल श्रेष्ठले जानकारी दिनुभयो ।
प्रतियोगितामा उत्कृष्ट खेलाडीको रुपमा लालीगुरासका रोशन तामाङ,उत्कृष्ट गोलरक्षक नवबुद्दका केशब मानन्धर,र प्रतियोगिताको अनुशासित क्लबको रुपमा फूलबारी फूटबल क्लब र सोही क्लबका राकेश हमाल सर्वाधिक गोल गर्ने खेलाडी बने भने नवबुद्दका नारायण दाहाललाई बेस्ट अफिसियलले सम्मान गरिएको थियो । अजमान र सारजाहको सीमामा पर्ने एमके एकेडेमीको खेल मैदानमा भएको प्रयोयोगितामा झन्डै ५ सय जना नेपाली दर्शकको उपस्थिती थियो ।
