दुबई । यूएईमा भएको युनाइटेड कप फूटबल प्रतियोगिताको उपाधि जीसीडी रोयल गोर्खाले चुमेको छ । युनाइटेड स्टार फूटबल क्लबको आयोजनामा आयोजित युनाइटेड कप – २०२४ को उपाधी जीसीडी रोयल गोर्खा फुटबल क्लबले जितेको हो।
डलस्को खेल मैदान दुबईमा गएको शनिबार भएको सो प्रतियोगितामा नवबुद्द फूटबल क्लबले उपविजेतामा चित्त बुझाएको छ ।
युएईका नेपाली समुदायमा स्थापित उत्कृष्ट १६ वटा क्लबले सहभागीता जनाएको सो प्रतियोगितामा उपाधी चुमेको जीसीडी रोयल गोर्खा फुटबल क्लबले ४५ सय धिराम्स नगद,ट्रफी र मेडल पायो भने उपविजेता क्लबलाई ३ हजार धिराम्स नगद सहित ट्रफी र मेडल प्रदान गरिएको हो ।
जीसीडी रोयल गोर्खाले रोयल आइकाड आबुधावीक्लबलाई हराउदै फाइनलमा पुगेको थियो भने नवबुद्द फूटबल क्लबले गोर्खा के ९ फूटबल क्लबलाई हराउदै फाइनलमा पुगेको जीसीडी रोयल गोर्खा क्लबका अध्यक्ष नबराज रानाभाटले हालखबर अन्लाईनलाई बताए ।
नीकै प्रतिस्पर्धात्मक रुपमा भएको रोमन्चक फाईनल खेलमा जीसिडी रोयलले नवबुद्द क्लबलाई सुन्यका विरुद्द एक गोल गर्दै प्रतियोगिताको उपाधी चुमेको आयोजक युनाइटेड स्टार फूटबल क्लबका क्लबका अध्यक्ष तथा कार्यक्रम सम्योजक स्विकार राइले जानकारी दिए ।
युएईमा रहेका नेपाली समुदायमा आधारित उत्कृष्ट फूटबल क्लबहरु सहभागी भएको प्रतियोगिताको उपाधी जीसीडी रोयल गोर्खाले चुमेर ईतिहास रचेको क्लबका सरक्षक अमर रानाभाटको भनाइ छ ।
लक्षमण खनालको सहयोगमा
