युएई । नवलपुर सेवा समाज युएईले नयाँ नेत्रित्व पाएको छ । आइतबार दुबईमा भएको चौथो अधिवेशन मार्फत समाजलाई नयाँ नेत्रित्व प्रदान गरिएको हो ।
दुबईको क्लब एभेरेष्टमा सास्कृतिक कार्यक्रम सहित गरिएको अधिवेशनले गोपाल प्रसाद पराजुलीको अध्यक्षतामा नयाँ कार्यसमिती निर्माण गरेको हो । मध्यविन्दु ५ चोरमारा तम्सरीया नवलपुरका पराजुली लामो समयदेखी समाजमा सकृय छन । यस् अघी समाजको कार्यसमितिमा उनी महासचिव थिए ।
४ जना उपाध्यक्ष सहित गठन गरिएको कार्यसमितिको वरिठ उपाध्यक्ष दिलु पराजुली, प्रथम उपाध्यक्ष बिष्णु प्रसाद अधिकारी, द्वितिय उपाध्यक्ष राजु भुसाल, उपाध्यक्ष रामप्रसाद बन्जरा र महिला उपाध्यक्षमा लक्ष्मी शर्मा छन ।
त्यस्तै नयाँ कार्यसमितिको महासचिवमा रामप्रसाद ढकाल, कोषाध्यक्ष गोविन्द कडेल, सह-कोषाध्यक्ष थानेश्वर अधिकारी,सचिव बसन्ती रायमाझी र सह- सचिव केशबमणि अधिकारी चयन भएको समाजले जनाएको छ ।
युएईको छाता सस्था नेपाली समाज युएईका अध्यक्ष वेदप्रसाद अर्यालको प्रमुख आतिथ्यतामा भएको कार्यक्रममा हिंन्दु धार्मिक चलन अनुसार बिधिवत रुपमा कार्यक्रमको उद्घाटन गरिएको थियो । कार्यक्रममा पञ्चे बाजासहित बिभिन्न सास्कृतिक प्रस्तुतीहरु पनि प्रस्तुत गरिएको थियो ।