काठमाण्डाै – काभ्रेपलाञ्चोकको मण्डनदेउपुर नगरपालिकाले आज थकाइ बिदा दिएको छ ।
नगरपालिकाले एक सूचना निकालेर आठौँ संविधान दिवस तथा पालिकाको नवनिर्मित भवनबाट सेवा शुभारम्भ गर्न कर्मचारी र जनप्रतिनिधि काममा खटिएका र आज एक दिन आरामका लागि ‘थकाइ’ बिदा दिएको जनाएको छ ।
लगातार तीन दिन कर्मचारी तथा जनप्रतिनिधि व्यवस्थापनमा खटिएपछि थकित भएका कारण आज नगरपालिकाको कार्यालय, यस अन्तर्गतका कार्यालय, विद्यालयलगायत सम्पूर्ण सरकारी तथा गैर–सरकारी संस्थालाई बिदा गरिएको नगरपालिकाले निकालेको सूचनामा उल्लेख छ ।
नगरपालिकाको ‘थकाइ’ विदा बारे सार्वजनिक सूचनाको सामाजिक सन्जालमा व्यापक चर्चा भईरहेको छ ।
Facebook Comments Box
