आबुधावी । गैर आवसिय नेपाली संघ (एनआरएनए) को मध्यपुर्व सम्योजकको रुपमा युएईबाट रमेश श्रेष्ठले उम्मेदवारी दिने भएका छन ।
आउदो कार्यकालका लागी मध्यपुर्व सम्योजकको रुपमा आफ्नो उम्मेदवारी हुने श्रेष्ठले हालखबर अन्लाईनलाई बताए ।
श्रेष्ठ लामो समयदेखि सम्युक्त अरब एमिरेट्स युएईको दुबईमा बस्दै आएका छन । दुबई र कतारमा लामो समयदेखी व्यवसाय गर्दै आएका श्रेष्ठ मध्यपुर्वमा सकृयरुपमा एनआरएन अभियान तथा समाअजिक काममा सकृय छन । उनले २०१७ – ०१९ को कार्यकालमा एनआरएन युएईको सफल नेत्रित्व गरेका थिए भने त्यसअघि उनी २०१५-०१७ कार्यकालमा एनआरएन युएई उपाध्यक्ष भएर काम गरेका थिए ।
एनआरएन युएईलाई मजदुर क्याम्प तथा समस्यामा परेका श्रमिकको सारथी बनाउने पहल उनैको कार्यकालबाट सुरु भएको हो ।
एनआरएन अभियानमा मध्यपुर्व महत्वपूर्ण क्षेत्र भएकाले एनसीसी हुँदै अब मध्यपुर्व सम्योजक भएर काम गर्ने अठोट सहित श्रेष्ठले आफ्नो उम्मेदवारी दिने घोषणा गरेका छन । आफ्नो उम्मेदवारी दावी सहित श्रेष्ठले प्रतिवद्द पत्र सार्वजनिक गरेका छन ।
श्रेष्ठको घोषणा तथा प्रतिबद्द पत्र :
मध्यपुर्वमा उद्दार तथा राहत कार्यलाई तदारुकताका साथ गर्ने
१)मध्यपुर्वामा रहेका सम्पूर्ण श्रमिकहरुको हकहितलाइ मध्यनजर गर्दै श्रमिक संग NRNA कार्यक्रम तयार पार्ने । सो कार्यक्रमले तत्कालिन र दिर्घकालिन कार्ययोजना बनाइ श्रमिकलाइ श्रम शोषण,ठगी र मानव तस्करी बिरुद्द जनचेतना सहितका कार्यक्रम गर्ने छ।
२) सम्पूर्ण श्रमिकहरुलाई सामाजिक सुरक्षा कोषमा आबद्धताका निमित्त सहजीकरण गर्ने सामाजिक सुरक्षामा आबद्द हुँदाका फाइदा र सेवा सुबिधाका बारेमा अभिमुखीकरण कार्यक्रम गर्ने।
३) राहत तथा उद्दार कार्यका लागी एकदमै तदारुक हुँदै मध्यपूर्वका सम्पुर्णा रास्ट्रीय समन्वय समितिहरु संग सहकार्य गरि राहत तथा उद्दार समिति गठन गर्ने साथै बिभिन्न कारणले स्वदेश फर्किने श्रमिकहरुलाई पुनर्-स्थापनाका निमित्त नेपाल सरकार तथा बैदेशिक रोजगार बिभागसंग समन्वय गर्ने।
४) घरेलु कामदार संगै अन्य बिभिन्न कामदारका रुपमा आउने श्रमिकहरुका निमित्त नेपालमै सिपमुलक तालिम र सामान्य भाषाका तालिमको ब्यबस्था गर्न अन्तरास्ट्रिय समन्वय समिति संगको सहकार्यमा नेपाल सरकार तथा सरोकारवाला निकाय समक्ष राखेर कार्यन्वयनमा ल्याउने ।
५) बैदेशिक रोजगार ऐन २०६४ पूर्णरुपमा कार्यन्वयन गर्न गराउनका निमित्त नेपाल सरकार सहित सरोकारवाला निकाय संग समन्वय तथा आबस्यक थप पहल गर्ने।
६) सास्कृतिक तथा पर्यटन प्रबर्दनका निमित्त मध्यपूर्वमा बिभिन्न कार्यक्रम गर्ने र नेपाल भ्रमणका निमित्त अभिप्रेरित गर्ने।
७) थोरै बोलेर धेरै काम गरी मध्यपुर्वलाई एनआरएनको उत्कृष्ट नमुना क्षेत्र बनाउने घोषणा सहित उल्लेखित घोषणालाई कार्यन्वयन गर्ने प्रतिबदत्ता समेत ब्यक्त गर्दछु ।
रमेश श्रेष्ठ
मध्यपुर्व सम्योजक उम्मेदवार