काठमाण्डौँ । आर्थिक वर्ष २०७९÷८० मा पाँच सय एक जनाको हत्या भएको छ । जसमा ३८ वटा घटना राजधानीमा भएको छ । नेपाल प्रहरीको तथ्याङ्क अनुसार कूल नौ सय ८२ वटा व्यक्ति हत्या प्रयासका घटना भएको छ । त्यसमध्ये ज्यान मार्ने उद्योगका एक सय ३६ घटना काठमाडौँमा भएको हो ।
अघिल्लो आर्थिक वर्ष २०७८÷७९ मा पाँच सय ९० वटा व्यक्ति हत्याका घटना भएको छ । त्यसमा सबैभन्दा बढी धारिलो हतियार प्रहार गरेर भएको प्रहरीले जनाएको छ । काठमाडौँमा मात्रै ५० वटा घटना भएको प्रहरी प्रधान कार्यालयले जनाएको छ । ज्यान मार्ने उद्योगतर्फ एक हजार ७९ घटनामध्ये उपत्यकामा मात्रै एक सय ३६ घटना भएको हो ।
प्रहरी निष्कर्ष : आर्थिक समस्या र रिसिइबी कारण
प्रहरी प्रवक्ता प्रहरी अतिरिक्त महानिरीक्षक कुवेर कडायतका अनुसार धेरैजसो हत्याका घटना रिसिइबी र सामान्य कुरा सहन गर्न नसक्दा भएका छन् । आर्थिक समस्याले पनि घटना घटिएका कतिपय घटनाले देखाएका प्रहरीको दाबी छ । अहिले मानिसहरु सानोसानो कुरा सहन नसक्ने अवस्थामा देखिएका छन् । मान्छेलाई धेरै कुराले गाँजेको छ, वैदेशिक रोजगार बढ्दो छ, एकात्मक परिवार बढिरहेको छ, आर्थिकसँगै शिक्षा तथा धेरै कारणले असर गरिरहेको छ । सामाजिक सञ्जालका कारण संसारको पहुँचमा पुगेकाले मान्छेले राम्रो कुरा ग्रहण गर्दैन र नराम्रो कुरा ग्राहण गर्ने अवस्थाले पनि घटना बढ्दो रहेको उपत्यका प्रहरी कार्यालयका प्रहरी वरिष्ठ उपरीक्षक दिनेशराज मैनाली बताउछन् । आवेगमा आएर गरिने क्रियाकलापले समाज गाल्दै गएको र नैतिक शिक्षा बढाउन जरुरी रहेको मैनालीको भनाई छ ।
