काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले देश अहिले ठूला राजनैतिक दलहरूको सिन्डिकेटको शिकार भएको बताएका छन् ।
राप्रपा कपिलवस्तुले शनिवार तौलिहवामा आयोजना गरेको नवीन राप्रपा कार्यक्रममा उनले देशका विभिन्न प्रकरणमा सबै ठुला दलहरू मिल्ने र मिलीजुली रूपमा देशलाई सिन्डिकेटको शिकार बनाएको बताएका हुन् ।
अहिले देशको अवस्था असामान्य भएको दाबी गर्दै जनताका दैनिकीमा सरकारले गम्भीरता नदेखाएको समेत उनले बताए ।
कार्यक्रममा राप्रपा केन्द्रीय उपाध्यक्ष तथा लुम्बिनी प्रदेश संयोजक रवीन्द्र मिश्र, केन्द्रीय प्रवक्ता ज्ञानेन्द्र शाही, लुम्बिनी प्रदेश अध्यक्ष प्रदीप कुमार उदय लगायतले पार्टीलाई बलियो बनाउँदै अघि बढ्नुपर्नेमा जोड दिएका थिए ।
Facebook Comments Box
