आबुधाबी र कुवेतस्थित नेपाली दूतावासले त्यहाँ कार्यरत नेपाली नागरिकलाई हुन्डी तथा अवैध रूपमा पैसा पठाउने -ल्याउने कारोबारमा संलग्न नहुन आग्रह गरेको छ।
दूतावासले मंगलबार जारी गरेको सुचनामा हुण्डी कारोबार यूएई तथा नेपालको कानुन विपरीत रहेको उल्लेख गर्दै यसमा संलग्न भएमा कडा कानुनी कारबाही, जरिवाना, जेल सजाय तथा देश निकाला समेत हुन सक्ने जनाएको छ।
दूतावासका अनुसार पछिल्लो समय केही नेपाली नागरिक हुण्डी कारोबारमा संलग्न भएको सूचना प्राप्त भएको छ ।नेपालको सम्पति शुद्धीकरण तथा आंतककारी कार्यमा वितिय लगानीका लागि हुण्डीको कारोबार हुने गरेको छ । वैधानिक बैंक तथा आधिकारिक रेमिटेन्स माध्यमबाट मात्रै पैसा पठाउन र प्राप्त गर्न दूतावासले सबैलाई अनुरोध गरेको छ।
साथै, दूतावासले कुनैपनि शंकास्पद गतिविधिबारे जानकारी पाएमा दूतावास वा सम्बन्धित निकायमा सूचित गर्न पनि आग्रह गरेको छ। यसले नेपाली समुदायको प्रतिष्ठा जोगिनुका साथै व्यक्तिगत सुरक्षा र कानुनी जोखिमबाट बच्न मद्दत पुग्ने दूतावासको भनाइ छ। यूएईमा रोजगार तथा भिजिट सहित करिब ७ लाख नेपाली रहेको तथ्यांक छ ।
यूएईमा बढ्दो नेपाली संख्या र व्यापार–व्यवसायसँगै हुण्डी कारोबार हुने गरेको तथ्य सार्वजनीक हुदै आएको छ । हुण्डी कारोबार रोक्न यहाँ रहेको नेपाली बैक तथा वितिय क्षेत्रमा कार्यरत प्रतिनिधीले विभिन्न सचेतनाका कार्यक्रम समेत गदै आएका छन् ।
कामदार कार्यरत क्याम्प, घुम्ती शिविर, विभिन्न संघसंस्थाले आयोजना गर्ने कार्यक्रम तथा दुतावासमा हुने कार्यक्रममा समेत वैधानीक माध्यमबाट नेपालमा पैसा पठाउने र रेमिट्यान्सका बारेमा सचेत गराउने गरिएको यहाँ रहेका बैंकका प्रतिनिधी बताउछन् ।
दुतावासले जारी गरेको सुचना ।
