यूएई। संयुक्त अरब इमिरेट्समा स्थापित माउन्ट ८८४८ रेष्टुरेन्ट, अबुधाबी र माउन्ट एभरेष्ट रेष्टुरेन्ट, दुबईका सञ्चालकहरू सोनाम श्रेष्ठ र महेश श्रेष्ठले आफ्नै गृह जिल्लाका बालबालिकालाइ न्यानो कपडा र शैक्षिक सामग्री वितरण गरेका छन्। श्रेष्ठ दाम्पतिले हरेक वर्षझैं यस वर्ष पनि जाडो मौसमलाई लक्षित गरी न्यानो कपडा तथा बालबालिकाका लागि आवश्यक स्टेशनरी सामग्री वितरण गरेका हुन्।
सामाजिक सेवामा आफ्नो निरन्तर प्रतिबद्धता देखाउँदै श्रेष्ठ दम्पतीले उक्त सामग्री तनहुँको म्याग्दी गाउँपालिकामा वितरण गरेका हुन्। प्रदान गरेको सहयोग सामाग्री एक कार्यक्रमका बीच बुवा कृष्ण कुमार र आमा विष्णु माया श्रेष्ठले हस्तान्तरण गरेका हुन्।
समाजसेवाको दायरा फराकिलो बनाउँदै श्रेष्ठ परिवारले ‘हर्ट बिट’ नामक संस्थालाई गरिब तथा विपन्न वर्गका बालबालिकालाई वितरण गर्नका लागि १० हजार थान कापी पनि उपलब्ध गराएको छ। ‘हर्ट बिट’का जुजु काजीको माध्यमबाट उक्त सहयोग सामग्री संस्थालाई हस्तान्तरण गरिएको हो।
यो परोपकारी कार्यले म्याग्दी गाउँपालिकाका बालबालिकाहरूलाई जाडोको समयमा न्यानो कपडाको पहुँच सुनिश्चित गर्नुका साथै शैक्षिक सामग्रीको उपलब्धतामा महत्त्वपूर्ण सहयोग पुर्याएको छ।
आबुधाविमा लामो समय रोजगारी तथा केहि बर्ष यता रेस्टुरेन्ट ब्यबसायमा सक्रिय उनीहरुले हरेक बर्ष नीयमित रुपमा बिभिन्न ठाउमा यस्तै सहयोग गर्दै आएका छन। गतबर्ष उनीहरुले अर्घाखाँची छत्रदेव गाउपालिका अन्तर्गत बल्कोटका सामुदायिक विधालयमा अध्यनरत बालबालिकालाइ ट्रयाकसुट तथा न्यानो कपडा प्रदान गरेका थिए।
