सर्वरमा आएको समस्याका कारण अवरुद्ध भएको राहदानी नवीकरण पुन सुचारु भएको छ । राहदानी विभागको अनलाइन प्रणाली मंसिर पहिलोसातादेखि अवरुद्ध हुँदा राहदानी वितरण प्रभावित भएको थियो । आइतबारदेखि आंशिक सुचारु भए पनि देशभित्र र बाहिरका नियोगहरुमा सम्बन्धित देशको तालिका अनुसार सुचारु हुनेछ ।
यस्र्तै आबुधाबीमा रहेको नेपाली दुतावासले डिसेम्बर ३ मंगलबारदेखि राहदानी नवीकरणलाई नियमीत गर्ने जनाएको छ । सोमबारसम्म युएईको राष्ट्रिय दिवशका कारण सार्वनजीक विदा रहेकाले मंगलबारबाट सेवा सुचारु हुने दुतावासले जनाएको हो ।
दुतावासले एक सुचना जारी गदै पुर्व तालिकामा लिएको अपोइन्टमेन्टमा हेरफेर गरेको छ । सो अनुसार गत नोभेम्बर २१ र २२ को तालिकामा अपोइन्टमेन्ट लिएकाहरुले डिसेम्बर ३ तारिख मंगललबार दुतावास खुल्ने समयबाट सेवा पाउनेछन् ।
यस्तै नोभेम्बर २५ को तालिकामा रहेकाहरुले डिसेम्बर ४ तारिख बुधबार ,२६ को तालिकमा रहेकाहरुले डिसेम्बर ५ तारिख बिहिबार,नोभेम्बर २७ को तालिकामा रहेकाहरु डिसेम्बर ६ तारिख शुक्रबार र २८ र २९ को तालिकमा रहेकाहरु डिसेम्बर ८ तारिख आइतबार दुतावासमा गएर सेवा दिन सक्ने दुतावासले जनाएको छ ।
यस्तै नोभेम्बर २० तारिखमा सेवाशुल्क तिरिसकेकाहरु भने तोकिएको मितीको कुनैपनि दिनमा गएर सेवा लिन सक्नेछन् । अन्यको हकमा भने अनलाइन फारममा उल्लेख भएको मितिमा मात्र सेवा लिन आउन दुतावासले सबैमा आग्रह गरेको छ । रोकिएको समयमा सेवा दिन बञ्चित भएकाहरुलाई ध्यानमा दिदै दुतावासले सार्बजनीक विदाको दिन समेत सेवाप्रवाह गर्ने यूईएका लागि नेपाली राजदुज तेजबहादुर क्षेत्रीले बताए ।
प्रत्येक १० वर्षमा राहदानी नवीकरण गर्नुपर्ने कानुनी व्यवस्था छ । सोही अनुसार अहिले राहदानी बनाउनेको संख्या देश र विदेशस्थित नियोगहरुमा बढी छ ।
दुतावासले जारी गरेको विज्ञप्ती ।
