जलवायु परिवर्तनसम्बन्धी संयुक्त राष्ट्रसंघीय संरचना महासन्धी पक्ष राष्ट्रहरुको २९औं सम्मेलन (कोप -२९) मा नेपालले जलवायु वित्तमा सहयोग बढाउन जोड दिएको छ ।
नोभेम्बर ११ देखि अजरबैजानको बाकुमा शुरु भएको सम्मेलनमा नेपालले विकासशील र अति कम विकसित राष्ट्रहरुको तर्फबाट जलवायुजन्य असरका मुद्दाहरु सशक्त रुपमा उठाएको हो ।
जलवायुजन्य कार्यका लागि जलवायु वित्तको रकम बढाउनुपर्ने मुद्दामा पनि नेपालले प्राथमिकता दिएको कोप -२९ मा नेपालका प्रतिनिधि मण्डलका सदस्य नरेश शर्माले बताए। सम्मेलनका विषयगत वार्ताहरुमा अति कम विकसित र विकासशील देशहरुको तर्फबाट नेपालले सामुहिक रुपमा आफ्ना मुद्दाहरु राखिरहेको पनि उशर्माले जानकारी दिए ।
कोप-२९ मा नेपालबाट धेरै प्रतिनिधि समावेश गरेको अफवाह सञ्चारमाध्यममा फैलिएको भन्दै शर्माले बहस पैरवीका लागि आवश्यक जनशक्ति अझै अपुग रहेको दाबी गरे
अजरबैजानमा सहभागी सरकारी प्रतिनिधिहरुले पनि नेपालको जनशक्ति कम हुँदा नेपालले राख्नुपर्ने एजेण्डाहरु चाहेअनुसार सबै फोरमहरुमा राख्न नसकिरहेको गुनासो गरिरहेका छन् । नोभम्बर ११ बाट शुरु भएको सम्मेलन २२ सम्म सञ्चालन हुनेछ ।
