नेपाल आयल निमगले डिजेल र मट्टितेलको मूल्य घटाएको छ । निगम सञ्चालक समितिको बिहीबार बसेको बैठकले डिजेल र मट्टितेलको मूल्यमा प्रतिलिटर एक रुपैयाँका दरले घटाएको हो । हवाई इन्धन र एलपी ग्यासको मूल्यमा भने कुनै परिवर्तन गरिएन ।
काठमाडौँ, पोखरा र दिपायलमा डिजेल र मट्टितेलको मूल्य १५० रुपैयाँ कायम भएको छ । यस्तै सुर्खेत र दाङमा १४९ रुपैयाँ र बाँकी क्षेत्रमा १४७।५० रुपैयाँ कायम गरिएको छ । परिवर्तन गरिएको नयाँ मूल्य आज बिहानदेखि लागु भएको छ ।
निगमले हरेक १५ तारिख र महिनाको अन्तिम दिन मूल्य समायोजन गर्ने गरेको छ ।
Facebook Comments Box
