नेपाली दुतावास आबुधाबीले संचालन गरेको राहदानी नवीकरण तथा स्वास्थ्य शिवरिबाट १ सय जना महिलाले लाभ लिएका छन् । सार्वजनीक विदाको दिन समेत सेवा प्रवाह गर्ने उद्देश्यले दुतावासले आइतबार महिलाका लागि मात्र सेवा दिएको थियो ।
दुतावास परिसरमा भएको शिविरमा युएईका विभिन्न राज्यबाट आएका महिलाले राहदानी नवीकरणसँगै आफ्नो स्वास्थ्य जाँच गराएको दुतावासका दृतिय सचीव भुपेन्द्रप्रसाद घिमिरेले जानकारी दिए । कार्यक्रममा उपस्थित सय जना भन्दाबढी महिलाले स्वास्थ्य जाँचसँगै वित्तिय साक्षरताको प्रशिक्षण लिएका थिए । बित्तिय साक्षरताको सहजीकरण दुतावासका उपनियोग प्रमुख रञ्जिता दाहाल र श्रमका विषयमा श्रम काउन्सुलर दिनबन्धु सुबेदीले गरेका थिए ।
उपस्थित महिलाहरुको डा .प्राची भट्टराई र डा .विकाश यादवको टोलीले स्वास्थ्य प्ररिक्षण गरेका थिए। स्वास्थ्य परिक्षणका लागि आबुधाबीस्थित लाइफ लाइन अस्पतालले प्राविधिक सहयोग उपल्बध गराएको थियो । राहदानी हराएका , बिग्रिएका, म्याद सकिएका तथा नवीकरण गर्न बाँकी रहेकाहरुलाई प्राथमिकतामा राखी आइतबार सेवा प्रवाह गरिएको दुतावासले जनाएको छ । दुतावासका तर्फबाट राजदुत तेजबहादुर क्षेत्रीको उपस्थितिमा उपनियोग प्रमुख रञ्जिता दाहाल श्रम काउन्सुलर दिनबन्धु सुबेदी, दृतिय सचिव भुपेन्द्रप्रसाद घिमिरे, पिआरो इरफान आलम र स्थानीय कर्मचारी लगायतले राहदानी नवीकरणको सेवामा सहजीकरण गरेका थिए ।
राहादानी नवीकरणका लागि दुतावासमा आउने सेवाग्राहीको चापलाई न्युनीकरण गर्न अघिल्लो सातापनि दुतावासले अतिरिक्त सेवा संचालन गरेको थियो । उक्त सेवाबाट २ सय ४० जना नेपालीले राहदानी नविकरण गरेको र नेपाल फर्कन चाहाने एकजनालाई यात्रा अनुमति पत्र प्रदान गरिएको दुतावासले जनाएको छ ।
