आबुधावी । युएईस्थित नेपाली दुतावासले एक कार्यक्रमका बीच नवौ राष्टिय तथा सविंधान दिवश मनाएको छ । सोमबार आबुधाबीमा रहेको सेराटन होटलमा युएई सरकार, यहाँ रहेका विभिन्न देशका दुतावासका कुटनीतिक नियोगका प्रतिनीधी तथा नेपाली समुदायहरुको उपस्थितीमा दिवश मनाएको हो । कार्यक्रममा युएई सरकारको विदेश मन्त्रालयको तर्फबाट विदेश राज्यमन्त्री नुरा बीन्त मोहम्मद अल कावीले सहभागीता जनाएकी थिइन् । युएईले नेपाललाई प्राथमिक्तामा राखेको र मन्त्री स्तरीय उपस्थितीले नेपाल र युएईबीचको सम्बन्ध अझ प्रगाढ बनेको नेपालका लागि युएईका राजदुत तेजबहादुर क्षेत्रीले बताए ।
नेपालले आयोजना गरेको कार्यक्रममा युएई सरकारको तर्फबाट यो पहिलो उच्च स्तरीय सहभागीता हो । मन्त्री कावीले भविष्यमा नेपाल भमण गर्ने इच्छा समेत जनाएको राजदुत क्षेत्रीले उल्लेख गरे । कार्यक्रममा १ सय ३० भन्दा बढी देशका कुटनीतिज्ञहरुले सहभागीता जनाएको दुतावासले जनाएको छ ।
कार्यक्रममा सहभागीहरुलाई सम्बोधन गदै राजदुत क्षेत्रीले नेपालले संविधानसभाबाट प्राप्त गरेको उपल्बधी ,संविधानमा उल्लेख गरिएको अधिकार , र नेपालको पर्यटन लगायतको विषयमा चर्चा गरेका थिए । साथै सहभागी विदेशी पाहुनालाई नेपाल भ्रमण गर्न समेत निमन्त्रण गरे । कतिपय डिप्लोम्याटले भ्रमण गरेको र कतिपयले भविष्यमा गर्ने प्रतिवद्दता जनाएका थिए ।
साथै विदेशी पाहुनाहरुका बीच नेपाली कलासंस्कृति झल्कने नृत्य तथा वाद्ययवादन प्रस्तुत गरिएको थियो । जसलाई उनीहरुले मिनी नेपाल देख्न पाएको प्रतिक्रिया दिएका थिए । सहभागी नेपालीसँग कुरागदै युएईका लागि जोर्ज अर्जेन्टिनी राजदुत अगष्स्टिन मोलीना अराम्बरीले नेपालको कलासंस्कृतिको प्रशंसा गरेका थिए । उनले नेपाल भ्रमणका बेला आफुले होली पर्वमा सहभागी हुने मौका पाएको स्मरण गरे ।
कार्यक्रम स्थलमा राखिएको एभरेष्ट म:म अजमानको स्वाद लिदै विदेशी पाहुनाले नेपाली परिकारको समेत चर्चा गरे । कार्यक्रमस्थल प्रवेशद्वारमा नेपालमा उत्पादन भएका सामानहरु,सिस्नु र अल्लो बाट बनेका कपडाहरु, तामा , पित्तलका भाडाहरु, गाजाबाट बनेका झोलाहरु, नेपाली चियापत्ती र लप्सीको तिलौरा प्रदर्शनमा राखिएको थियो । जसलाई आबुधावीको इलेक्ट्रा हमीद सेन्टरमा रहेको ग्रीन ग्लो गिफ्टले सौजन्य गरेको सन्चालिका सविता बस्नेतले बताइन । कार्यक्रममा सहभागी धेरै बिदेशी पाहुनाले नेपालका सामाग्रीबारे चासोपुर्वक सोधीखोजी गरेको सन्चालिका बस्नेतको भनाइ छ ।
कार्यक्रममा गैर आवासीय नेपाली संघ, नेपाली समाज , विभिन्न जिल्लागत समाज, राजनीतिक दलका प्रतिनिधी तथा विभिन्न पेशा व्यवसायमा आवद्द नेपालीको सहभागीता थियो । कार्यक्रमको संचालन दुतावासकी उपनियोग प्रमुख रन्जिता दाहालले गरेकी थिएन् ।
कार्यक्रममा एयर अरबियाको सौजन्यमा विदेशी पाहुनालाई नेपाल भ्रमण गर्न आग्रहसहित लक्की ड्र मार्फत उपहार प्रदान गरिएको थियो । विदेशी अतिथिहरुलाई मात्र समावेश गरिएको सो चिट्ठामा अस्ट्रेलिया, पाकिस्तान, बाङ्लादेश र अजरबैजानका कूटनीतिज्ञहरुलाई दुईतर्फी हवाई टिकट प्रदान गरिएको थियो ।
विदेशी पाहुनाहरुका बीच नेपाली कला-संस्कृति झल्कने नृत्य तथा वाद्यवादन प्रस्तुत गरिएको थियो । दुबईमा सकृय कलाकार कुशल बुचा र लक्षमण देवालीको समुहमा सहभागी कलाकारको न्रित्य लोभलाग्दो थियो । कास्कीको पोखराका नीलबहादुर गुरुङले बजाएको बाँसुरीको धुनलाई मात्रै होइन विदेशी पाहुनाहरुले आबुधावीमा सकृय संगीतकार दिपराज नेम्ह्याङले बजाएको हार्मोनीयम, शिशिर थापाले बजाएको मादलको धुनलाई चासोपूर्वक श्रवण गरे ।
