यूएई सरकारले दुई महिनाको लागि ल्याएको भिसा आममाफीको समयअबधी थप गरेको छ । यस अघि तोकिएको समयमा १४ दिन थप गरिएको हो । थपिएको समय अनुसार अब नोभेम्बर १५ सम्ममा अबैध भएर बसेकाहरु आफ्नु मुलुक फर्कन सक्नेछन् । आममाफी कार्यक्रम १ सेप्टेम्बरबाट सुरु भएको हो । युएईको खुशी विभागले मंगलबार एक सुचना जारी गदै आममाफीको समय थप गरिएको जनाएको हो ।
भिसा भएर पनि युएईको अध्यागमन उंलगन गरेका नेपाल सहितका नागरिकले आममाफीमा सहभागी हुन पाउनेछन् । तर विभिन्न अभियोगमा मुद्दा खेपिरहेकाहरुले भने यसबाट लाभ लिन पाउने छैनन् ।
आममाफीमा सहभागी भइ आफ्नो भिसा स्टाटस परिवर्तन गरी यहीँ रहन वा स्वदेश फर्कन सक्ने युएई सरकारले जनाएको छ । कागजी प्रकृया पुरा गरी यहीँ काम गर्न चहानेहरुको हकमा भने जब अफर लेटरको आवश्यकता पर्नेछ ।
अबैधानिक भएर बसेका नेपालीलाई यो प्रकृयामा सहभागी गराउन नेपाली दुतावासले समेत सबैलाई आग्रह गरेको छ । जसका लागि आबुधाबीमा रहेको दुतावास आउन पायक नपर्नेहरुले दुवईमा स्थापना गरिएको नेपाल हेल्प डेक्स मार्फत सेवा लिन सक्ने दुतावासले जनाएको छ । यसका लागि गैर आबासीय नेपाली संघ, नेपाली समाज लगायतका संघसंस्थाले समन्वय गरेका छन् ।
युएईले विभिन्न समयमा आममाफी अभियान चलाउदै आएको छ । सन् २००८,२०१३, २०१८ मा आममाफी अभियान ल्याएको थियो । २०१८को आममाफी अभियानबाट १ हजार ९० जना नेपाली स्वदेश फर्किएको दुतावासले तथ्यांक छ ।
आमाफीमा सहभागी हुन आग्रह गदै दुतावासले जारी गरेको सुचना।
