आबुधावी । संयुक्त अरब इमिरेट्स युएईको आबुधावीमा रहेको नेपाली दुतावासले यहाँ रहेका नेपाली समुदाय सँग सविधान दिवस मनाएको छ ।
दुतावासकै अग्रस्थानमा नेपालको राष्ट्रिय झन्डालाई युएईका लागि नेपाली राजदुत तेजबहादुर क्षेत्रिले झन्डोत्तलन गरी दिवसको औपचारिक उद्घाटन गर्नुभएको नेपाली दुतावास आबुधावीले जनाएको छ । कार्यक्रममा राजदुत सहित नेपाली दुतावासकी नवनियुक्त उपनियोग प्रमुख रन्जिता दाहाल, र दुतावासका अन्य उच्च अधिकारीहरुको उपस्थिती थियो ।
संविधान दिवसको दिन बिदेश स्थित नियोगहरु बन्द हुने भएपनि १० औं संविंधान दिवसको अवसर पारेर नेपाली दुतावास आबुधावीले यहाँ रहेका नेपाली संघसस्थाका प्रतिनिधिको उपस्थितिमा दुतावास परिसरमा संविधान दिवस तथा राष्ट्रिय दिवस मनाएको हो ।
यसै बिच दुतावासले आफ्नै परिसरमा यहाँ रहेका सकृय सामाजिक संघसस्था, गैर आवसिय नेपाली, बिभिन्न राजनितिक दलका भात्री संगठनका प्रतिनिधि,पत्रकार, तथा समाजका अगुवाहरुको उपस्थितीमा दिवस मनाएको हो । आप्रवासी कामदारका बिषयमा कार्यरत समाजशास्त्री डा. मीना पौडेल, नेपालको पहिलो महिला रेसलर भगवती खड्का युनिका लगायतको आतिथ्यता रहेको कार्यक्रमको सन्चालन दुतावासका श्रम काउन्सिलर दिनबन्धु सुवेदीले गर्नुभएको थियो ।
कार्यक्रममा बोल्ने अधिकाशंले संविधान जारी भएको १० औं बर्ष पुगेपनि संविधानमा सबैले अपनत्व गर्न नसकेकोले सम्सोधन सहित सविधानलाई प्रगतिशिल बनाउदै कार्यन्वयनमा जोड दिएका थिए ।
नेपाली दुतवासले संविधान दिवसकै दिन बिहीवार नेपाली समुदाय सँग र आगामी सोमबार बिभिन्न १ सय ३० भन्दा धेरै देशका नियोग प्रमुख, तथा युएईका उच्च अधिकारिहरुको उपस्थितीमा समेत बिशेष कार्यक्रम गरेर संविधान तथा राष्ट्रिय दिवस मनाउन लागेको जनाएको छ ।
दिवसकै अवसरमा दुतावासले साताब्यापी द्विप प्रज्वलन गरिरहेको छ ।
