आईसीसी टी२० विश्वकप २०२४ को आफ्नो पहिलो खेलमा नेपाल नेदरल्याण्ड्स सँग ६ विकेटले पराजित भएको छ । नेपालले नेदरल्यान्डसलाई १०७ रनको लक्ष्य दिएको थियो ।
डालासस्थित ग्राण्ड प्रेरी स्टेडियममा टस हारेर पहिले ब्याटिङ गरेको नेपालले १९.२ ओभरमा सबै विकेट गुमाएर १०६ रन बनाएको थियो । नेपालको सामान्य लक्ष्यलाई पच्छाउदै नेदरल्यान्ड्सले १८.२ ओभरमा आफ्नो विजय निस्चित गरेको हो ।
नेपालको लागि कप्तान रोहित पौडेलले ३७ बलमा सर्वाधिक ३५ रन बनाए । उनले ५ चौका प्रहार गरे ।
बलिङमा नेदरल्याण्ड्सका लागि टिम प्रिन्जल र लोगन भान विकले समान ३ तथा पउल भान मिकेरन र बास डे लिडले समान २ विकेट लिए ।
Facebook Comments Box
