बैशाख ४ , युएई – गैरआवसीय नेपाली संघ एनआरएन युएईले तेस्रो भलिवलकप प्रतियोगिता सम्पन्न गरेको छ । नेपाल एसोसिएसन एनआरएनए एनसीसी युएर्ईले ‘स्वास्थ्यका लागि खेलकुद’ भन्ने मुल नारा सहित भाइचारा, सामाजिक सद्भभाव, नेपालीपन तथा मेलमिलापको भावना विकासका लागि भन्दै भलिवल प्रतियोगिता आयोजना गरेको हो ।
प्रतियोगितामा २२ हजार धिराम्स अर्थात झन्डै ८ लाख रुपैया नगद राशी पुरस्कार राखिएको थियो । सो धनराशीको पुरस्कार भलिवल प्रतियोगिता पहिलो देखी सान्त्वना हुने टोलीले प्राप्त गरेका छन ।
प्रतियोगितामा एभरेस्ट म:म पहिलो भयो । उसले नगद साढे ३ लाख ( १० हजार धिराम ) नगद सहित ट्रफी, मेडल र प्रमाण पत्र प्राप्त गर्यौ । दोस्रो हुने पियोर डेजर्ट स्पोट्स क्लबले २ लाख (६ हजार धिराम), तेस्रो हुने पाल्पाली समाज युएईले नगद डेढ लाख (४ हजार धिराम ), र सान्त्वनाको उपाधी प्रवासी नेपाली मन्च युएईले चुम्यौ । मन्चले सान्त्वना स्वरुप ७५ हजार पुरस्कार (२ हजार) धिराम नगद सहित ट्रफी, मेडल र प्रमाण पत्र प्राप्त गर्यौ ।
एनआरएनए (नेपाल एसोसिएसन ) युएईका अध्यक्ष विकाश शाहीका अनुसार प्रतियोगितामा यूएईमा रहेका नेपालीहरुका विभिन्न १२ वटा समुहले भाग लिएका थिए । प्रतियोगिताका लागि कतिपय समुहले नेपालका राष्ट्रिय र प्रदेश स्तरीय खेलाडीलाई समेत दुबई ल्याई खेलाएका थिए ।
यधपी एउटा समुहमा बढीमा दुई जना मात्रै यूएई बाहिरका खेलाडीहरुलाई सहभागी गराउन पाउने नियम अनुसार सहभागी समुहहरुले नेपालबाट खेलाडी भित्राएका थिए ।
नेपाल एसोसियसनका खेलकुद बिभाग प्रमुख तथा कार्यक्रम सम्योजक अपिल भट्टराइका अनुसार प्रतियोगितामा झन्डै ५० हजार धिराम भन्दा बढी खर्च भएको छ ।
प्रतियोगिता एक बिशेष कार्यक्रमका बीच युएईका लागि नेपाली राजदुत तेजबहादुर क्षेत्रीको प्रमुख आतिथ्यता तथा नेपाल भलिबल संघका अध्यक्ष जितेन्द्र बहादुर चन्द र उपाध्यक्ष युवराज श्रेष्ठ , नेपाली दुतावास आबुधावीका द्वितिय सचिव भुपेन्द्र घिमिरे लगायत युएईका बिभिन्न संघसस्थाका प्रतिनिधिहरुको आतिथ्यतामा सम्पन्न भएको हो ।
दुबईको अल वासल स्पोर्ट्स क्लबमा भएको प्रतियोगितामा झन्डै २ हजार धेरै नेपाली दर्शकहरु सहभागी थिए ।