आबुधाबी । युएईका लागि नवनियुक्त नेपाली राजदुत तेजबहादुर क्षेत्रीले यहाँ रहेका संघसस्था तथा नेपाली समुदाय सँग सहकार्य गर्दै नेपाली दुतावास आबुधावीलाई सबैको साझां घर बनाउने प्रतिबद्दता ब्यक्त गरेका छन ।
चौथो पूर्ण राजदुतका रूपमा अघिल्लो साता मात्रै युएई आएका क्षेत्रीले यहाँ रहेका नेपाली संघसंस्थाका प्रतिनिधिहरुसँगको अन्तरकृया कार्यक्रममा बोल्दै दुतावासलाई सबै नेपाली श्रमिकले अपनत्व गर्ने साझा घर बनाउने प्रतिबद्धता गरेका हुन्।
दुतावासले आफ्नै सभाहलमा आयोजना गरेको अन्तरकृया कार्यक्रममा युएईमा सकृय नेपाली राजनीतिक दलका प्रवास भात्री संगठन , एनआरएनए, पत्रकार महासंघ,लगायत संघसंस्थाका प्रतिनिधिहरु र नेपाली समुदायका अगुवाहरु सहभागी थिए।
कार्यक्रममा सहभागीहरुले दुतावास पहिले भन्दा सुधारउन्मुख हुँदै गएको र थप सुधारका काम मिलेर गर्न सकिनेबारे राजदुत क्षेत्रीको ध्यानाकर्षण गराएका थिए । यस् अघी फूलमाला तथा खादा दोसल्ला ओढाएर स्वागत भएका राजदुतहरु फर्किने बेला भागेर सुटुक्क जानुपर्ने अवस्था आएको प्रती ईङ्गित गर्दै कतिपयले त्यस तर्फ नव नियुक्त राजदुत क्षेत्रीलाई सुझाव दिएका थिए ।
दुतावासका सेवा प्रवाहमा कर्मचारी अभावका कारण समस्या भए एनआरएन युएईले आफ्नै खर्चमा स्थानीय एक कर्मचारी निशुल्क सेवामा खटाउन पनि तयार रहेको र त्यसका लागी दुतावासलाई समन्वयब गर्न एनआरएन युएईका अध्यक्ष बिकास शाहीले आग्रह गरेका थिए ।
ग्लोबल एनआरएन युएई तदर्थ समितिका सम्योजक पासाङ शेर्पाले यस् अघिका राजदुत कृष्णप्रसाद ढकालले लेखेकै भरमा पत्रकारलाई जेल हाल्ने, भिडियो बनाएकै भरमा नेपाली नागरिकलाई यहाँका नीकायमा उजुरी गर्ने र जेल सम्म पुराइ डिपोर्ट गर्ने जस्ता काम गरेको स्मरण गराउदै आगामी कार्यकालमा राजदुतलाई त्यस्तो नगर्न अनुरोध गरेका थिए ।
कार्यक्रममा नेपाली जनसम्पर्क समितिका मनोज कुमार सैजु, प्रवासी मन्च युएईका बाबुराम सापकोटा, जनप्रगतिशिल मञ्चका बाबुराम विश्वकर्मा,प्रवासी नेपाली एकता समाज (पानस) निराजन खत्री, एनआरएनएका विकास शाही,रमेश श्रेष्ठ, पासाङ शेर्पा, मोनिका नगरकोटी, पत्रकार महासंघ युएई शाखाका मेघराज सापकोटा, नेपाली समाजका सस्थापक अध्यक्ष चन्द्रप्रसाद सापकोटा, लगायतले नेपाली श्रमिकका विभिन्न विषयमा राजदुत क्षेत्रीलाई अवगत गराएका थिए।
उपस्थित प्रतिनिधिका कुरा सुनेपछी बोल्दै राजदुत क्षेत्रीले दुतावासलाई सेवामैत्री, पहुँचयोग्य, सहज र चुस्तदुरुस्त बनाउन सबैसंग समन्वय गरी अघी बढ्ने बताए। उनले समृद्ध नेपाल निर्माणका लागि द्विपक्षीय व्यापार, वैदेशिक लगानी जस्ता विषयमा समेत काम गर्ने बताए।
कार्यक्रममामा सहभागीहरुले भिजिट भिजामा आएर अलपत्र हुनेहरुको संख्या बढेकोप्रती चिन्ता व्यक्त गर्दै दूतावासले उक्त समस्या समाधानका लागि पहल गर्नुपर्ने र दुबईमा श्रम काउन्सिलर खोल्न माग समेत गरेका थिए ।
दुतावासका नियोग उपप्रमुख प्रमुख विशाल भट्टराईले सहजीकरण गरेको कार्यक्रममा श्रम काउन्सिलर दिनबन्धु सुवेदीले समेत सम्बोधन गरेका थिए । पछील्लो समय दुतावसले गरेका धेरैजसो गतिबिधिमा यहाँका संघसस्थाको सहयोग, भूमिका सकारात्मक भएको भन्दै शब ब्यबस्थापनको बिषयमा संसारभरमा रहेका नेपाली दुतावासहरुको दाजोमा युएई पहिलो नम्बरमा रहेको सुवेदीको भनाइ थियो ।
युएईमा नीकट भविश्यमा कोअप २८ हुने भएकाले प्रधानमन्त्री स्तरको भ्रमण तथा दुबइ एयर-शो कार्यक्रममा रक्षामन्त्रीको उपस्थिती रहने सम्भावना भएकाले आगामी दिनमा थप ठुला कार्यक्रम मार्फत नेपाली श्रमिक तथा यहाँ सकृय नेपाली समुदाय सँग थप अन्तरकृया गर्ने दुतावासले जनाएको छ ।
