दुबई। यूएईको दुबईमा आयोजित रक्तदान शिविरमा ८९ जनाले रक्तदान गरेका छन्। यूएई प्रवास नेपाली सम्पर्क बिभागले यहा रहेको रक्तदाता संघ संगको समन्वयव तथा दुबई हेल्थ अथोरिटी केन्द्रिय कार्यालय दुबईको प्राबिधिक तथा चिकित्सकीय सहयोगमा दुबईमा गरेको शिविरमा ८९ जनाले रक्तदान गरेका हुन्। शिविरमा डेढ सय भन्दा धेरै नेपालीको उपस्थिति भएपनि १४ जनाले सेतो रक्त सेल तथा ७५ जनाले रातो रक्त सेल गरि ८९ जनाले रक्तदान गरेको कार्यक्रम संयोजक जगन अधिकारीले जानकारी दिए।
शिविरमा सहभागी मध्ये कतिपयको स्वास्थ्य अवस्था अनुकूल नभएकोले रक्तदान गर्न नसकेको आयोजकले जनाएको छ।
शिविरमा सामान्य स्वास्थ्य परीक्षण अन्तर्गत रक्तचाप, हेमोग्लोबिनजस्ता परीक्षणहरू पनि गरिएको थियो। कार्यक्रममा प्रवास नेपाली सम्पर्क विभागका यूएई प्रमुख सुजन थापाले रक्तदान गरी शिविरको उद्घाटन गरेका थिए।
शिविरमा नेपाली समाजका अध्यक्ष राम मोक्तान, जनप्रगतिशील मञ्च यूएईका अध्यक्ष लक्ष्मण खनाल, डिएनआईजीका मनोज मरहठ्ठा, सामाजिक अभियन्ता नमराज पाण्डे (फुलेबुढा), सविता रिजाल, सहित नेपाली महावाणिज्य दुतावास दुबईबाट उपमहा वाणिज्यदुत कृष्ण प्रसाद चापागाईं लगायतको उपस्थिति थियो।
त्यस्तै अन्तर्राष्ट्रिय रक्तदाता संघका केन्द्रिय कोषाध्यक्ष तथा नेपाली रक्तदाता संघ युएईका संरक्षक सुनिल श्रेष्ठ, सिन्धुपाल्चोक सेवा समाज युएईका अध्यक्ष दीपक राउत, देवदह समाजका अध्यक्ष रेमेश न्यौपाने, नेपाली दूतावास अबुधाबीका कर्मचारी हरेराम अर्याललगायतको उपस्थिति थियो।
शिविरमा विभिन्न संघ–संस्थाका प्रतिनिधि तथा सामाजिक अभियन्ताहरूको उपस्थिति थियो।
